आरिको सिस्टिम्सबद्दल

आरिको सिस्टिम्सबद्दल

गेटसेतुची सुरुवात एका क्रशर मालकाच्या प्रश्नाने झाली: “कॅमेरे आहेत माझ्याकडे. तरी किती ट्रक गेले हे मला का कळत नाही?” कॅमेरे रेकॉर्ड करतात; बघतं कुणीच नाही. गेटसेतु कॅमेऱ्याला मोजायला लावतं, आणि मालक जिथे रोज बघतो त्याच व्हॉट्सॲपवर रोज रात्री आकडा पाठवतं.

आमचं दुसरं उत्पादन फ्युएलसेतु पेट्रोल पंपांवर चालतं: विक्री, उधारी, शिफ्ट आणि पंप मालकांसाठी रिपोर्ट. त्यातून शिकलेलं गेटसेतुत उतरलं आहे: डॅशबोर्डपेक्षा व्हॉट्सॲप, मराठी-हिंदी आधी, आणि साइटवरच्या कुणाला रोज काही करावं लागेल असं एकही फीचर नाही.

टीम छोटी आणि उत्पादन प्रामाणिक. कॅमेरा बंद होता तर तसं सांगतो. प्लेट वाचता आली नाही तर फोटो दाखवतो. सपोर्टसाठी तुमच्या प्लांटच्या सेटिंगला हात लावला तर त्याची नोंद तुम्हाला दिसते.